Kynning

Húsið verður alls 15 hæðir, þar af 12 skrifstofuhæðir sem hver er um 924 birtir fm auk um 370 birtir fm á 15. hæð, auk hlutdeilar sameign.  

 

Í kjallara hússins er gert ráð fyrir rými fyrir aðgangsstýrðri hjólageymslu og búningsherbergjum ásamt sturtu/snyrtingum.

Húsnæðið allt er bjart og alls staðar opnanlegir gluggar og mikið lagt upp úr gæðum hita- og loftræstistýringa við hönnun hússin.

Gríðarmiklir kostir felast í miðlægri staðsetningu á höfuðborgarsvæðinu og hve húsið er þekkt kennileiti. Benda má á mikilvægi um 554 beintengdra frírra bílastæða við húsið, mörg hver undir þaki, og sé þess óskað er hægt að leigja stæði í aðgangsstýrðum  bílakjallara.  Auk þeirra er mikill fjöldi gjaldfrjálsra bílastæða sem tengjast Smáralindinni.

Þá má einnig benda á kosti hinnar fjölbreyttu þjónustu sem er í verslunarmiðstöðinni og nálægum þjónustu- og verslunarkjörnum.

Samgöngur eru góðar á svæðinu og stutt í helstu umferðaræðar. Tíðar ferðir strætisvagna eru á svæðinu og góðar tengingar við skiptistöðvar strætó við Hamraborg og Mjódd.

Tvær meginstofnæðar liggja sitt hvoru megin við Norðurtuninn og tengingar frá Norðurturninum inn á þær mjög góðar. 

Tíðar ferðir strætisvagna eru á svæðinu og góðar tengingar við skiptistöðvar strætó við Hamraborg og Mjódd.  Almenningssamgöngur munu styrkjast enn frekar samkvæmt áætlun um þróun höfuðborgarsvæðisins.

Norðurturninn er staðsettur á miðju höfuðborgarsvæðisins eins og sést á mynd.  Byggðaþróun mun styrkja kjarnann sem miðpunkt höfuðborgarsvæðisins (http//www.ssh.is/hofuðborgarsvaedid-2040).

Áætluð verklok eru í byrjun árs 2017.