Marel Iceland ehf hefur tekið 11. hæðina í Norðurturninum á leigu og eru þá allir leigufermetrar í húsinu útleigðir. Stefnt er að því að Marel fái hæðina afhenta um mánaðarmótin júní/júlí nk.
Almennt um Norðurturninn
Framkvæmdum við Norðurturninn er að mestu lokið og hafa allar hæðir hússins verið teknar í notkun að undaskilinni 11. hæð.
Leigutakar hússins eru:
Reginn atvinnuhúsnæði ehf: Þeir eru með 1. og 2.hæð hússins á svokallaðri heildsöluleigu og hafa endurleigt þær til Íslandsbanka (útibú), World Class, Jóa Fel og XO veitingarstað.
Íslandsbanki hf: Auk útibúsins á jarðhæð leigir Íslandsbanki hæðir 3. til og með hæð 9 undir höfuðstöðvar bankans og ERGO og hafa þeir tekið allar hæðir í notkun.
Annata ehf: Þeir leigja 10. hæð hússins.
Marel Iceland ehf: Þeir leigja 11. hæð hússins
LS retail ehf: Þeir leigja hæðir 12 til og með hæð 15. LS retail ehf hefur einnig tryggt sér 11. hæðina en sú staða er komin upp að þeir hafa óskað eftir að losna undan þeirri skuldbindingu. Því er þessi hæð laus til leigu fyrir áhugasama leigutaka.
15 hæða hús
Norðurturninn er alls 15 hæðir, 12 skrifstofuhæðir, þar sem hver hæð er 926,7 birtir fm auk 234,4 fm hlutdeildar í sameign, samtals því um 1.161.,1 birtir fm auk 15. hæðar sem er 343,1 fm auk 87,1 fm hlutdeildar í sameign en hún er leigð út með 14. hæð hússins. Fyrsta og önnur hæð hússins eru leigðar út sem verslunar - og þjónusturými. Heildarflatarmál þeirra rýma er 2.674,2 birtir fm auk 677 fm hlutdeildar í sameign, samtals 3.351,2 fm. Auk þessu eru leigð út til einstakra leigutaka rými í kjallara og geymsla. Heildarflatarmál Norðurturnsins er 18.172 birtir fm.
